Е.Ц. Баир Битола
Евангелската црква „Баир“ – Битола е христијанска заедница која започнала кон крајот на 90-тите години со проповедање на евангелието во ромската населба Баир. Денес, црквата е дом на верници кои активно се собираат за богослужби, проучување на Библијата и други активности. Основач на црквата пастор Тефик Мусоски, но во јуни 2025, поради заминување на Тефик и неговото семејство, одговорноста за црквата ја презема е Ајхан Арслановски, кој е актуелниот старешина во истата. Богослужбите и сите останати црковни активности, се одржуваат во сопствено изграден објект, кој е благослов од партнерските цркви.
Детали за црквата
Адреса
Димитар Мите Богоевски бр.2
Битола
Контакт
Богослужби
Богослужба:
недела во 10:00 часот
Детско катче:
недела 10:30 часот
За првпат евангелието започна да се проповеда кон крајот на 90-тите години од минатиот век кога евангелскатацрква од Прилеп, водена од тогашниот пастор заедно младите меѓу кои беше и ТефикМусоски. Тоа најчесто се вршеше преку проповедање во радиоемисии,но и посети во ромската населба Баир, главно со муслиманска религиозна определба,каде што се проповедаше евангелието. Тоа вроди со плод и подоцна започна една мала група луѓекои беа заинтересирани за проучување на Библијата. Заедничките собири за проучување на Библијата се одвиваа на различни домашни локации.
Подоцна, по барање на верниците, кои тогаш поверуваа и се крстија, се изнајми локал каде што се одвиваа сите црквени активности. Неколку пати мораше да се менува локацијата сè до моментот кога партнери од шведската црква и другите партнерски цркви од другитеземји посакаа да помогнат при купување земјиште и изградба на црквен објект кој во моментот го користиме за сите наши активности.
ЗА СТАРЕШИНАТА НА ЕЦ БАИР-БИТОЛА
Ајхан Арслановски е роден на 1 мај, 1983 г. во Битола . Пораснал во семејство со муслиманска позадина, со татко, мајка и еден брат . Оженет со Кибарија Арслановска, во 2007г. со која Бог им дал два сина и една ќерка: Архан, Давид и Асенета . Што се однесува до верата во Христа, најнапред поверувала неговата сопруга, а по некое време поверувал и Ајхан. Веднаш потоа и обајцата се крстиле и одлучиле редовно да ги посетуваат богослужбите во Евангелска црква. Како верник, тој често го придружувал Тефик Мусоски (претходниот пастор на црквата во Баир, Битола), во евангелизациски настани и ширењето на евангелието и на тој начин станал еден од столбовите на оваа
локална црква. Во тој период, Ајхан имал завршено само средно, секуларно образование, како автомеханицар . Подоцна, Ајхан, заедно со неговата сопруга заминуваат во христијанското училиште „ХУБ-Београд“, каде што завршуваат еден семестар. Во меѓувреме, на просторите на поранешна Југославија, започнува со работа Ромската Библиска Школа, која има мобилен карактер и Ајхан се запишува во истата, каде што завршува 18 месеци, теорија и пракса.
Поради својата активна вклученост во животот на црквата, преку практично служење, проповедање, евангелизирање и друго, на 7 април, 2024г. Ајхан е ракоположен за старешна во ЕЦ Баир-Битола, а на 22.06.25 со повлекувањето на пастор Тефик од позиција на пастор, на Ајхан му е предадена пастирската грижа за оваа локална црква.
